Varios actividad carnavalesco na caminda pa e fin di siman aki y cu esey tambe lo nifica control di parti Cuerpo Policial di Aruba. Informacion cu a ricibi ta cu e partidonan a sinta un biaha mas, entre otro cu SMAC y diferente stakeholder pa cu e preparacion pa fin di siman
Faya bo haya a drenta na vigor
Cuerpo Policial ta bon prepara pa loke ta e actividad di carnaval y ta recorda tur hende riba nan comportacion, como tambe e chauffeurnan pa no consumi bebida alcoholico si nan lo ta tras di stuur. Evita pone nan bida y di otro na peliger.
Actividad di e fin di siman
Eleccion di Prins & Pancho cu ta tuma luga den Carnival Village diabierna awo dia 10 di januari, sigui pa diasabra 11 januari cu Children & Youth Calypso and Roadmarch Contest cu lo ta tambe lo tuma luga den Carnival Village. Diadomingo e Boat Fest cu ta tuma luga na Surfside Beach.
Cuerpo Policial lo t’ey presente prome, durante y despues di e actividadnan y lo ta encarga manera semper cu e orden publico.
Ta haci un suplica na e publico cu lo ta presente na actividad di mucha, cu ta actividad pa mucha, pa laga nos muchanan gosa di nan actividad. Actividadnan na Carnival Village no ta permiti pa sinta cu stoel, ni haci BBQ, ni hunga domino pafo riba acera/ caminda.
Lo tuma medida mesora si constata cualkier iregularidad durante control. Departamento di salubridad lo ta envolvi den e controlnan tambe, p’esey un apelacion na tur vendor pa nan tin nan carchi berde den nan poder ( esun Original ) y no un copia.
