Un rato pasa a sosode un explosion na Boroncana. Un cuarto di palo a pega na candela. Esey a pone cu a activa tanto brandweer como polis p’e adres na Boroncana.
Esunnan na sitio a saca dos boter di gas fo’i di e camber aki. No por bisa si tabatin mas boter di gas. Den e proceso a scucha un explosion. E explosion aki a spanta tur esunnan den cercania.
Unidad policial como tambe dos brandweer a presenta na e sitio. Polis a presenta pa asina percura pa mantene tur hende leu di e area, mientras cu e bomberonan a cuminsa combati e candela evitando cu esaki bira mas grandi. E bomberonan a domina esaki bastante lihe. Kico por tabata motibo di e candela aki no ta conoci.
