Ariba pasco esta 25 di December 2023, 24ora.com a bishita famia Cecilia/Romero cu ta biba na Abu Dhabi. Abu Dhabi ta un di e estadonan di United Arab Emirates (Medio Oriente) y ta keda serca di e famoso Dubai. Ta trata aki di Herby Cecilia y su casa Priscilia Cecilia Romero. Hunto cu nan dos yuinan nos a combersa riba nan bida na Abu Dhabi y tambe con e ta pa celebra pasco y fin di aña leu di cas. Famia Cicilia/Romero ta bibando na Abu Dhabi pa dies (10) aña caba.
Den e entrevista nan ta conta e motibonan cu na a dicidi di muda for di Aruba. Ta combersa riba e trabou cu cada un ta haci. Algo bunita ta cu un di nan yuinan a nace na Abu Dhabi tambe. E famia tin 5 aña sin bishita Aruba pa pasco y esaki sigur ta haci falta. Sinembargo na nan cas lo tin un encuentro cu varios amigo di diferente nacionalidad. Aki cada un lo trece varios cuminda pa asina por celebra pasco.
Paisnan den Medio Oriente ta conoci pa tin un cultura diferente. Durante e entrevista ta menciona algun di e diferencianan cu tin, pero tambe similaridadnan. Por ehempel, durante e ultimo añanan a cuminsa celebra pasco. Por cumpra kerstboom y varios comerciante ta decora nan tienda / mall cu decoracion di pasco.
