Un rato pasa, polis a informa cu a identifica e hende homber haya ayera nochi morto banda di caminda na Matividiri como Sergio Maduro di 44 aña di edad. E caso ta bao di investigacion te ainda.
Cuerpo policial ta haci un apelacion pa esun cu a mira algo of sa algo di e posibel asesinato aki, pa yama e tiplijn di polis 11141.
Sergio Maduro ta traha hopi aña na Cuerpo Especial Arubano (CEA) como miembro di siguridad na edificionan di gobierno. Kico por a pas’e y dicon lo a mat’e, ainda ta un misterio pa hopi. E prome informenan ta bisa cu na hospital a constata cu el a muri di slanan ricibi specificamente na su cabes. Ta casi descarta e opcion cu tabata un accidente di auto pasobra e no a kibra pia, ni man ni tin sla na su curpa. Tur sla ta concentra na cabes so. Y como cu no a haya niun rastro di piesa di auto eybanda, ta sospecha awo cu posiblemente e crimen por a tuma luga na un otro caminda y a bin bent’e eynan cant’i caminda.
A institui un team special di recherche cu ta revisando camaranan di siguridad den e area, pa determina ki ora y ken a pasa bent’e cant’i caminda asina
