Diadomingo mainta a bin haya un palo di luz na Centro di Bario Playa Pabao destrui. Esaki tin di haber cu a drift auto y bay dal contra di e pal’i coriente.
Dennis Burke, presidente di Centro di Bario Playa Pabao, a splica cu pa 7:45 am el a ricibi un yamada di e compania di siguridad pasobra nan tabata haya un alarma indicando cu coriente a bay of algo ta pasando n’e centro y un pal’i coriente a cay.
Su persona mes a presenta den careda di 8:30 am y a topa cu NV ELMAR trahando na sitio. E tabata gradici na NV ELMAR cu di biaha a atende cu e problema.
Na sitio el a mira con e pal’i coriente tabata benta abou. Pero, pa algun dia caba a tuma nota con e autonan ta drift n’e veld patras y p’esey nan a pone cadena, cu tabata mara n’e pal’i coriente. E ta kere c’un auto a bay patras y no a mira e cadena. Consecuentemente a dal contra e pal’i corient cu tin mas di binti aña poni eynan.
Segun Burke, su persona no ta esun cu a notifica polis di e situacion, pero e compania di siguridad a haci esey. Polis na su turno a yama NV ELMAR, cu a presenta lihe.
E presidente di e Centro di Bario a mira via e compania di siguridad a mira cuantor e alarma a drenta y aki a inform’e cu esey a pasa pa 7:22 am. Burke a indica cu nan tin camara y lo bay check esaki pa mira si a capta e number di auto. Asina ey polis tambe por tuma e pasonan necesario y p’esun responsabel por para responsabel pa su actonan.
Pa mas lesa TREMPAN.COM.
