Seguro ta busca semper pa nan ta mas efectivo pa nan cliente. Si bo tin un producto asina aki, abo como seguro por handel af e schade hopi mas lihe y ba sirbi bo cliente mucho mas lihe. Bo ta haya sa tambe tur cos cu a pasa y tur e data ta bisabo kico tur bo tin cu cubra. E ora bo ta sirbi bo cliente miho. Tin menos discusion den seguro pasobra nan por cumpli cu nan cliente mas lihe posibel. Esey e seguronan a haya sumamente interesante y a proba esey den tur e añanan.

Declaracion di e cliente

Caroline Hollander ta conta cu ta tuma data y entrege na seguro. Seguro ta esnan cu tin cu dicidi kico ta haci cu e informacion, of ta bay tuma nan medidanan pa page of no page. Esey si Forensys no ta forma parti di dje. No ta forma parti di duna falta y e conclusion cu e seguro kier tuma. Tur ta wordo graba y entrega. Si hendenan ta expresa cu e hende tabata na telefon durante accidente y ta algo den estadistica ta entrega na polis y gobierno pa wak tambe y wak kico nan kier haci cu nan infrastructura e ora.

Number di emergencia

199 ta e number na Corsou, 165 ta number na Aruba, 866-8888 ta Trinidad, 9225 ta St. Maarten y Boneiro tin un number di oficina.

Concientisacion y prevencion di accidente

Forensys a bin haya sa cu loke nan ta haci ta super positivo. Nan a bin mira cu e ta yuda e industria di seguro, ta bin mira cu e ta yuda y facilita Gobierno, den e caso aki polis. Pero a bin mira cu nan data por duna un direccion na organisacionnan cu kier haci trafico un tiki mas sigur. Tin relacion den e mercado cu e tipo di organisacionnan aki, pa hunto no lo haci nada, pero ta facilita e data y purba di compronde ki mas nan kier sa pa nan trece cambio. Bo por haci campaña, por informa hubentud riba por ehempel seatbelt. Pasobra informacion di dalmente ta duna si tin seatbelt uza of no. Ta parti di future projects cu no a cristalisa bon ainda den tur mercado. Tambe kier mira pa tin un plan pa ora tin catastrofenan, por ehempel ora horcan pasa, Forensys tin un infrastructura fantastico pa yuda e islanan. Mirando cu seguro toch ta afilia cu tur e dañonan, kier bin cu un plan pa asina horcan pasa, con por yuda comunidad. No como business, pero como organisacion pa yuda.

Solamente riba caya

Awor aki nan ta solamente riba caya pa accidente. Seguronan ta interesa den propiedad y mas cos, pero esey no a cristalisa tampoco. Awor aki tur seguro ta wordo yuda, pero cu excepcion di Aruba, mirando cu Nagico ta riba su mes. Tin Nagico na Corsou, St. Maarten y na Boneiro. Na Aruba, e demas seguronan si nan ta yuda.