Minister Stef Blok di Asuntonan Exterior, lo biaha awe, dialuna pa un bishita na Sint Maarten, Aruba, Corsou y Colombia, unda cu principalmente e lo papia riba e situacion preocupante na Venezuela, segun e website di noticia Curacao Chronicle.
Venezuela ta den un crisis profundo. Debi na e problemanan aki, hopi hende ta huy pa e paisnan bisiña, manera e partinan Caribense di Reino y pa Colombia. Tambe e lo papia riba e consecuencianan di horcan Irma riba St. Maarten y e reconstruccion di esaki.
Despues di su bishita na Sint Maarten, Aruba y Corsou, e minister lo finalisa su biahe diahuebs na Colombia. Akinan tambe, e fluho di refugiado for di e bisiña Venezuela, ta halto riba agenda. E proceso di paz na Colombia e contribucion Hulandes na esaki tambe lo keda discuti.
Esaki lo ta e prome bishita di Blok na e parti Caribense di Reino. Como un minister di Reino, e ta responsabel pa e relacion externo di tur cuater pais di Reino di Hulanda.
Durante e Consulta Anual di Reino riba Relacionnan Exterior, Blok lo papia cu e prome ministernan di St. Maarten, Aruba y Corsou riba e interesnan exterior y prioridadnan di e partinan Caribense di Reino.
