E seminario aki ta parti di un iniciativa di Crest +Oral-B yama #CrestCarnivalSmiles, unda desde comienso di Carnaval a team up cu diferente personahe di Carnaval, manera nos reina infanil Jo-Amy Morcillo pa comparti y recorda cumunidad riba e importancia di practica habitonan di salud oral pa sigura cu bo tin un smile bunita y un boca saludabel.
Pa sigui comunica e mensahe aki, e team di Crest+Oral-B a invita tur nos streyanan di Carnaval, nos reinanan infantil y hubenil, como tambe participantenan di Tumberito, Roadmarch y Calypso infantil pa un atardi educativo y interesante. Nan a siña for di dentista Ho-Kang-You entre otro con nan por cuida mihor nan salud oral, e impacto cu salud oral tin riba e salud completo di bo curpa, con pa skeiro djente debidamente, tambe e importancia di nutricion pa asina sigura cu nan tin un boca saludabel.
Nan a haya e oportunidad tambe di haci diferente pregunta y comparti nan experiencia cu e dentista den un manera interactivo. Na final di e evento nan a ricibi nan “ALL-STAR BRUSHER certificate” cu ta certifica cu nan sa cual ta e miho metodo pa skeiro djente y awor sa hopi mas di cuido oral.
Dentista Marielle Ho-Kang-You, kende a studia Master of Science in Dentistry y awor ta practica na Tandartsenpraktijk M.E. Ho-Kang-You tabata sumamente contento di por a aporta cu su conocemento na e hobennan riba e cuido dental. No solamente tabata trata di un grupo grandi y cu hopi interes, pero nan tabata interactivo tambe, haciendo pregunta. “Nan a bay un tiki mas profundo den nan preguntanan,” dentista Ho-Kang-You a splica. Ta importante pa conscientisa for di mucha e importancia di cuido di djente y boca. E rutina oral mester cuminsa for di mucha. Akinan algun tips di cuido Oral, cortesia di dentista Ho-Kang-You;
- Hasi’e custumber pa bishita bo dentista 1 biaha pa aña y bo hygienista 2 biaha pa aña pa controla y hasi limpieza di e boca/djentenan. Preveni ta mihor cu lamenta. Pa baby ta hopi importante pa bishita un dentista prome cu e cumpli su prome aña of asina e prome djente sali.
- Uza un pasta cu ta contene fluoride, cual ta haci bo djentenan fuerte y ta yuda combati caries. Marielle ta uza Crest. E ta haña e sabor dushi y e ta laga su boca sinti fresco.
- No uza un skeiro di djente mucho duro, ya cu e chance pa hasi daño na e tandvlees ta bira grandi. Electric Brush tambe ta duna un bon resultado. Marielle ta uza e Oral-B Pro 5000, cual ta link na e Oral-B app y duna bo real-time feedback!
- Limita e consumo di sucu. E bacteria den boca ta gusta sucu, y esaki ta causa cariës.
- Skeiro bo djentenan minimal 2 biaha pa dia.
- Floss minimal 1 biaha pa dia, pa kita e plak, cuminda y bacteria entre e djentenan na unda e skeiro di djente no por yega, pa asina e djentenan no hanja cariës, e tandvlees hanja gingivitis of e weso cu ta rondona e djente haya inflamacion cual ta e causa di parodontitis.
- Uza un mouthwash cu ta contene fluoride.
