Un di e 4 pashentnan masculino, interna den Hospital pa motibo di Covid-19 a fayece. Pero, segun Hospital y DVG, e no a fayece pa motibo di Covid-19, sino tabatin otro complicacion.
Esey ta un cambio den maneho, pasobra por corda cu por lo menos un di e tres casonan fatal di Covid-19 tabata pashent cu a fayece di ataca epileptico y a haya sa cu e ta contagia despues cu el a fayece. Asina mes a cont’e como un morto di Covid. E bia aki si a opta pa no conta e caso di awe como un mas di Covid-19.
E pashent tabatin multiple complicacion y Dokternan a opta pa intern’e pa por brind’e extra cuido. Dor di su edad avansa, 75 aña, ta complica e proceso di cuido y posibel cura. Na e edad ey y cu e complicacionnan cu ta presenta, ta haci e curpa debil y menos resistente.
Na su famia y conocinan, ta bay palabranan di profundo condolencia y cu nos bon Dios por brinda fami hopi forsa den e momentonan di tristesa aki.
