Dia 3 di februari Bochincha Container Yard (BCY) lo haya si nan tin un cuenta pa nan operacion diario. Hues a tuma un poco mas cu un ora pa tratamento di e caso aki unda cu BCY, representante pa Otmar Oduber, a pidi pa exigi Aruba Bank habri un cuenta pa nan.
BCY funda na juli, 2020, a acudi na Aruba Bank, segun Abogado Kuster a splica, pasobra su director y henter su famia ta cliente di e banco y tabata mas cu logico cu el a sigui aki unabes el a habri un negoshi.
Na salida e ex politico y awo comerciante, a bisa cu como comerciante el a bin ta traha casi un aña riba un proyecto. “Cierto momento nos a sinti cu nos derechonan a wordo limita door di Aruba Bank pa habri un cuenta di banco. Awe a trata e caso y dia 3 di februari lo tin sentencia. Mi ta sinti cu el a bay hopi bon, positivo cu den e sentido cu por a bisa di nos banda loke tabata kier pa nan tende.”
