Den cuadro cu un articulo cu 24ora.com a publica ayera di e suceso cu a tuma luga den Caya Boes Orman (Arendstraat), diaranson 13 di januari, a bin algun update riba e caso aki. Aparentemente e persona cu a manda chapi riba e auto, debi cu el a bira raso pasobra a ofende, ta contrario. Segun mama di e muchanan cu tabata den e auto sinta, cu a presencia e incidente aki, e persona en cuestion, esta e agresor ta esun cu constantemente ta insulta, degrada e muchanan.
Y di un manera of otro, den su psicosis, a coy un chapi basta hancho y manda esaki riba e auto di e mama, kibrando e glas.
E yiunan tabata den auto sinta na momento cu esaki a sosode y si no ta pa un maniobra di e mama, a evita cu un di e muchanan a haya chapi den cara.
E mama di su banda, a declara na 24ora.com cu keho sigur e ta bay entrega na recherche contra e persona aki, cu sigur a causa daño y sigur un trauma cerca e muchanan.
