Stichting Katholiek Onderwijs Aruba no kier a para responsabel daño cu un empleado di dje (un docente) cu a sufri un accidente na scol. Na final e docente mester a bay corte pa obliga e fundacion asumi su responsabilidad. Y esaki a sosode tambe.
E caso aki ta relaciona cu algo cu a sosode casi dos aña pasa.
E docente ta den servicio di SKOA for di dia prome di augstus, 2014, na un scol basico. Loke cu a hala atencion den e caso aki ta cu SKOA tin su studiantenan sigura, pero no tin un seguro di responsabilidad pa cu su docentenan.
Dia 24 di maart, 2022, e docentenan tabata den bisindario di su lokaal entre 07:15 – 07.30 AM., ora cu el a cay. Segun el a conta, su pia a pega den man di tas di un studiante. Ora cu el a purba saca su pia, el a dal den muraya y despues a cay.
E dia siguiente e cabesante di e scol a bishita e docente pa yena e formulario di accidente.
El a sufri un dwarslaesie y un brasa kibra. Inicialmente mester a oper’e pero door di e dwarslaesie esey no por a sosode y el a keda pa varios siman den hospital.
El a bandona hospital dia 28 di april, 2022, pa cuminsa e proceso di rehabilitacion. E tabatin AZV+ cu tabata cubri cierto gastonan di revalidacion. Tin varios proceso di rehabilitacion cu e seguro no ta cubri y lo no cubri y cu e mes mester paga. Banda di esaki, despues cu el a sali di hospital e tabatin mester di ayudo na cas pa un tempo 24 ora pa dia.
Hopi gasto cu SKOA a bisa cu e no ta responsabel pa cubri nan pa cual e docente di cana e caminda pa corte.
Pa e relato completo lesa TREMPAN.
