Secretario di Estado Alexander van Huffelen tabata den Tweede Kamer siman pasa pa un debate. Y eyden el a bisa cu e debatenan entre Hulanda y Aruba riba e tema di Rijkswet supervision financiero, RAft, ta bay hopi “moeizaam”.
Tabata un debate cu e miembronan nobo di Tweede Kamer, cu a bini despues di e eleccion na final di aña pasa.
Por a scucha van Huffelen durante e debate duna poco conseho, cu nan ta sigui e mocion di e anterior miembronan, cu a pone condicionnan na Aruba pa pago di e debenan di COVID. Y cual ta un punto di bista cu e Gobierno di Hulanda a apoya, segun van Huffelen.
Pero tambe e Secretario di Estado a splica e miembronan nobo cu Aruba ainda no ta convenci cu e supervision financiero mester tuma luga via di un Rijkswet, en bes di un ley local di e isla. “E discusion a tuma luga y dado momento tabatin palabra pisa a cay di ambos banda, cual no ta haci nos (Hulanda) contento,” segun e Secretario di Estado.
Pa relato completo lesa TREMPAN.
