Despues di e mensahe diahuebs anochi di Prome Minister Evelyn Wever Croes cu ta bay introduci e concepto di “Shelter in place” cu mita di Aruba no a compronde, awe mainta por a mira filanan largo no na un supermercado, pero na mayoria.
Y no solamente na supermercadonan, pero na banco, gasolin station,etc. Pues na varios establecimentonan comercial. Na Princesmart por a scucha hendenan bisa cu tin ta eynan for di 7’or di mainta. Manera ta conoci, basta dia caba Pricesmart a tuma medida, poniendo reglanan riba un flyer dilanti. Asina por ehempel, nan no ta permiti mucha drenta e luga. E hendenan mester keda minimo un meter for di otro y solamente dos persona por drenta pa cada carchi.
E rij na e negoshi aki tabata basta largo bayendo te pasa rond. E situacion ta similar na Save a Lot, Ling & Sons, Superfood, cual ta supermercadonan grandi y cu ta hala hopi cliente.