Juan Mackintosh di 59 aña di esad no ta un figura desconoci den comunidad, e ta chauffeur di Autobus (B-124) y pa e ultimo 8 añanan a traha masha di cerca banda di ex-Minister President Mike Eman (AVP). Diamars anochi lat, na un forma inespera el a fayece den su soño di un ataca di curason.
Parce cu di merdia e tabatin dolor pisa na pecho, a bay Spoed Eisende Hulp na Hospital pero a mande cas bek bisando cu e no tin nada. Anochi pa 8:30pm ainda el a bisa su yiu muhe cu e ta bay drumi trempan pasobra e tin hopi dolor den su pecho. Mas den lat e no tabata reacciona mas y a resulta cu el a haya un ataca di curason. Famia a subraya di no ta contento cu e servicio di Hospital.
Juan, conoci tambe pa duna su opinion cu regularidad na radio, a bay laga atras su señora y 3 yiu. Hopi forsa den e momentonan dificil aki. Cu Juan sosega na paz.
