Otro siman diaranzon dia 27 di september, un delegacion hubenil di Aruba lo ta saliendo pa Santiago, capital di Chile unda nan lo competi den e segundo edicion di e Weganan Sur Americano Hubenil.
Un total di 11 atleta representando 5 deporte lo bataya contra e mihor atletanan hubenil di e continente Sur America. Team Aruba ta consisti di e landadornan Keeley Maduro, Anahi Schreuders, Brandon Cheong y Daniel Jacobs, e judoka Sofia Petrocchi, e taekwondista Chiara Petrocchi, e tri-atleta Giannon Eights, tenistanan di mesa Ching Ho Chung y Jeandry Mathilda y e tenistanan di cancha Frederick Sydow y Patrick Sydow. E 11 atletanan lo representa nos dushi isla den e 2do edicion di e "Juegos Suramericanos de la Juventud, Santiago de Chile 2017". Siguientemente nos kier presenta e prome 7 atletanan cu ta Keeley Maduro, Anahi Schreuders y Daniel Jacobs di landamento, Ching Ho Chung di tenis di mesa, Frederick Sydow di tennis, Giannon Eights di triathlon y Chiara Petrocchi di taekwondo. E Weganan Sur Americano Hubenil lo ta di 29 di september pa 8 di oktober.
