Comunidad a yuda haya “Nala” bek : Otro mascota feliz di por a yega su cas

833

Un buskeda grandi a cuminsa na momento cu famia a realisa cu “Nala” no ta na cas. A tuma contacto cu 24ora.com pa publica e potret di Nala y asina pidi comunidad yuda den e buskeda.

Awe mainta 10:00AM a publica e informacion y pa 3:00PM a ricibi e grato noticia cu a logra localisa Nala y cu el a yega su cas bek. E mascota tabata perdi for di weekend y tabata buscando full rond den area di Madiki pero no tabata logra hay’e niun caminda. Despues di publicacion riba 24ora.com, a drenta informacion cu diaranson a bin logra localis’e te den mondi di Arikok. Un cuidadano a reconoc’e y a tuma contacto mesora cu famia.

A straña e doñonan cu el a bin aparece te na Arikok pero naturalmente ta sumamente contento cu a logra hay’e bek y ta masha agradecido na e comunidad cu a yuda comparti e articulo como tambe topa cu ne pa asina e regresa su cas cerca su famia cu stime un mundo.