Diasabra ultimo a tuma luga e Youth Tech Event organisa pa Setar N.V. Durante e evento aki a premia e ganador di e “Hackaton Island of the Future 2019”. Un total di 6 scol secundario a participa na e “hackaton” caminda cu cada un di nan a presenta nan proyecto.
Colegio San Augustin a presenta nan proyecto di “aquaponics”, cual a impreciona e huradonan y tabata mas cu suficiente pa por a bay cu e prome premio. E proyecto aki a wordo desaroya pa alumnonan di 3e klas bou guia di docentenan Michel Nicolaas, Ellis Verduin y Brenton Croes. Meneer Croes ta esun cu a lidera e proyecto aki pa asina guia Colegio San Augustin na e premio maximo. Un palabra di gradicimento na Setar N.V. pa e tremendo iniciativa aki y un palabra di pabien na henter e team di Colegio San Augustin.
