Tabata un diabierna anochi cu hopi ambiente y baile durante fiesta di trabou, cu presencia di Ferdinand Hsing. E hoben di 31 aña tabata traha na RBC Bank Aruba como Account Manager. El a studia na Universidad di Antias na Corsou. Ferdinand Hsing tabata gosando den su vakantie.
A caba di yega for di Merca recientemente y ainda tabata den vakantie di trabou. E foto aki mes ta saca durante su vakantie na Merca. Ta consider’e un empleado di banco masha keto y trankil.
Ferdinand Hsing a perde su tata algun tempo pasa y tabata biba na Jamanota cu e mama. Tin dos ruman muhe y dos sobrino. E mes no tin yiu y no ta casa.
Diabierna e tabata happy gosando cu e coleganan den un ambiente di baile. Marduga pa mainta e tabata un sla fuerte pa e coleganan. Tabata un fiesta di apreciation week cu RBC a organiza pa e coleganan na Windows. E alegria y goso a bira tristeza diasabra marduga pa mainta. Un accidente fatal cu a ranca nan colega y nan amigo for di nan.
Un biaha mas pas na su restonan y forsa na e famia y tambe na coleganan y amistadnan.
