Fundacion Rancho tin e honor pa por yega na un acuerdo cu Arte Sano Foundation. E proceso pa yega na e acuerdo a bai y bin pa basta tempo, pero sigur e ta un logro hopi importante pa fundacion Rancho. Mirando e trabou cu Arte Sano ta hasiendo y lo hasi pa e proximo 6 luna ta sumamente importante pa e bario di Rancho. “E deseo cu Arte Sano tin, ta pa yuda cu diferente aspecto social”. Sr. Rosa ta bisa cu e proyecto lo trece un desaroyo positivo pa e habitantenan den Rancho y pa henter Aruba. Esaki ta un punto importante mirando e meta cu Arte Sano ta bin cune ta pa; duna susten na e persona nan cu tin risico, pa asina nan tin algo di hasi”. E colaboracion aki lo prospera den e sentido cu e lo por trece cambio y desaroyo pa e comunidad cu lo bai haya atencion den Centro di Actividad Rancho pa medio di ArteSano. Sra. Claudia Ruiz-Vasquez, iniciador di Arte Sano Foundation ta contento cu colaboracion cu lo bai tuma lugar. “E metanan di e nos fundacion a trece nos hunto”. E bario di Rancho ta importante pa Arte Sano pasobra nos ta compronde e historia y desaroyo di e bario, tambe nos duna sosten pa conserva e herencia cultural di e bario. E mata tras nos proyecto “Graduates traning and rehabilitation” ta pa duna vocal traning y sosten na e personanan cu risico. Esaki ta adictonan y hoben nan di prison. Nos tin un grupo cu nos ta trahando cu ne caba. Cu e apoyo di fundacion Rancho nos tin un lugar pa ehecuta nos proyecto cu ta: Centro di Actividad Rancho. E Graduates nan lo siña y traha diferente disciplina di arte. Na final lo bende e arte/producto cu wordo traha. Pa mas informacion: [email protected] Website: https://imgrum.me/user/artesanofoundation
