CRKSV JONG COLOMBIA selebrashon 66 aña di eksistensia!

Dia 7 di desèmber 2016, durante di nan Reunion General, miembronan di CRKSV Jong Colombia a eligí un direktiva nobo.

Ku e kambio aki, e direktiva nobo di Jong Colombia lo bai konsistí di un tim di hóben dinámiko, ku lo mester sòru pa prepará i guia e organisashon pa no solamente garantisá su kontinuidat i eksistensia den futuro, pero alabes pa posishoná e ekipo bèk komo e kampionnan di futbòl di Kòrsou manera nan tabata den pasado. Pa garantisa e eksistensia nos ta selebra un aña mas di eksistensia di nos club CRKSV Jong Colombia.

Ta trata di un klup di futbòl ku hopi trayektoria, ku na múltiple okashon a  posishoná su mes tantu komo kampion di Kòrsou i kampion di Antia, i hasta a yega di sali kampion di Kòrsou i di Karibe den mesun aña. Boso ta wordu invita pa un santu sakrifisio di misa djabierne awor 21 di juli 2017 pa 7 or di atardi na misa Mama di Bon Konseho (misa di Jandoret). Despues di esaki nos lo tin un “happy hour” chiki den stadion di CRKSV Jong Colombia. Bin selebra huntu ku nos pa nos por eksperensiá i selebrá e viktorianan aki huntu ku nos tata/tio/ruman/bisiña, ku tabata hungando den e gran ekipo di Jong Colombia.