Recientemente tabata tin final di e conferencia di Clacip, cu pa prome biaha a tuma luga na Aruba. E evento aki a tuma luga den Hilton, caminda cu varios pais tabata tey presente.
Colombia tambe tabata tey presente durante e cumbre aki. General Jorge Vargas, kende ta director di investigacion criminal y director emerito di e comunidad Latino Americano y Caribe di inteligencia policial, a conta un tiki di e final di e conferencia aki.
Esaki tabata un conferencia hopi importante pa Latino America y Caribe. E conclusionnan ta bay sigui ta un solucion en contra criminalidad. E ta bay ta un institucion pa cumplimento di ley. Nan a integra den varios proyecto entre nan un sistema di inteligencia pa combati e delitonan medio ambiental, integracion di inteligencia y investigacion criminal, importante decision tuma den e cumbre importante aki. E asignacion di Chile como proximo director ehecutivo. Ta bay for di Caribe pa e Sur di e continente cu ta mustra con avansa inteligencia policial ta den cooperacion y tambe semper mirando con nan ta integra pa tin un sociedad miho, velando pa democracia y cumpliendo ley.
Resultado
Segun Vargas, mas di 1200 intercambio di informacion a tuma luga e aña aki. Operacionnan concreto, delincuente cera, hopi acesoria na Gobiernonan. Awe e sociedad aki ta mas cu nunca integra y solido den e resultadonan.
Delincuentenan “on the move”
Un di e puntonan importante y segun Vargas, ta un mensahe importante pa e comunidadnan ta cu nan ta compartiendo di dato pa por integra e informacion di inteligencia contra criminalnan. Ta un gran noticia pa e continente.
Mantene siguridad
Esaki ta pa mantene e siguridad liber di criminal pa asesora Gobiernonan, pa anticipa den e fenomenonan delincuencial y fenomenonan strategico cu ta afecta nos sociedadnan. Nan ta traha preventivamente y cu accion den ambos sentido.
