Paulette, Rene, Sally, Teddy y Vicky. No ta personahenan principal di un serie nobo, sino e nomber di e cinco tormentanan tropical riba Oceano Atlantico. Esey ta special: e ultimo biaha cu tabata tin tanto na e mesun momento tabata casi cuarenta aña pasa. Horcan Sally actualmente a toca tera dolorosamente den e Golfo di Mexico cerca di Alabama y Florida.
E tormenta ta causando molesternan grandi: 150 mil cas ta sin coriente y autoridad ta adverti di inundacion. Sally no lo ta e ultimo tormenta. E agencia meteorologico Mericano NOAA a pronostica esaki prome na inicio di e temporada di horcan (di juni pa november) cu lo ta un aña turbulento. Es mas, tin asina tanto tormenta awo cu tin hopi posibilidad cu e agencia meteorologico revisa e lista di nomber prematuramente e aña aki.
Den promedio, 12 tormenta tropical ta pasa riba e Oceano Atlantico den un temporada. Di e 12nan aki, normalmente tin mas of menos ocho horcan y di nan tin tres horcan severo y devastador. E aña aki ya tabata tin 20 tormenta tropical. Con ta posibel cu dirpente tin asina hopi? Segun Rein Haarsma, experto den horcan di KNMI, tin algun splicacion, pero lo mas importante ta e fenomeno climatico di La Niña.
Debi na e fenomeno natural aki, ta un poco menos calor den un parti di e Oceano Pacifico rond di e ecuador. Esey tin un efecto riba e biento riba e Oceano Atlantico. Eynan, e biento ta supla cu menos forsa riiba altitudnan grandi, loke ta nifica cu ta menos probabel cu e tormentanan tropical ta corta di rais.
Heater di camping
“Bo tin cu imagina, bo ta sinta cu bo heater di campamento den algun luga di e camping y biento ta supla fuerte. E ora ey e vlamnan ey ta paga”, Haarsma ta splica den NOS Radio 1 Journaal. “E bientonan di gran altitud tambe ta haci algo similar na e tormentanan tropical. Pero debi na La Niña e bientonan aki ta menor, pa cual e horcannan por desaroya miho.” E cambo climatico no necesariamente tai nflui den e cantidad di horcan, Haarsma ta splica. “Nos no ta spera mas horcan debi na e cambo climatico. Esey ta zona un poco straño, pasobra e horcannan ta obtene su energia di calor di e awa di lama. Asina ta ta spera cu lo bin mas.”
Sin embargo, ta sosodiendo algo mas. Den e tropiconan, e temperatura mas halto den e aire, ta keinta hasta mas rapido cu riba e superficie di Tera, loke di su banda ta nifica cu e atmosfera ta birando mas stabil. E resultado ta cu nos tin menos horcan. “Pero ora nan ta eynan, nan ta bira mas fuerte”.
Fluctuacionnan natural
E hecho cu awo tin tanto tormenta simultaneamente ta e resultado di fluctuacionnan natural, Haarsma ta bisa. E modelonan climatico no ta mustra un aumento den e cantidad di tormentanan y e observacionnan durante un periodo mas largo di varios aña ta confirma e imagen aki. E cantidad di horcannan ta varia di un aña pa otro door di varios rason. “E tin di haber cu si La Niña tin of no un fuerte efecto, pero tambe cu e monsoonnan Africano y cu e temperatura di e awa di lama. Tambe tin fluctuacionnan grandi.” Awo ta keda un nomber pa e temporada di tormenta aki: Wilfred. Den e caso di mas tormenta, e oficina meteorologico mester recuri na e letranan di e alfabeto Griego.
