Marksonn Maduro haciendo centro di ciudad atractivo manera antes

3136

Comerciantenan ta hopi preocupa cu e situacion reinante na Aruba a causa di e crisis Covid-19. Sinembargo tin comerciante cu nan preocupacion ta bay mas leu cu nan negoshi.

Nan kier mira con pa yuda haci no solamente nan negoshi, pero e area den cual nan ta estableci atractivo of mas atractivo. Un di nan ta e hoben empresario Marksonn Maduro.

https://www.facebook.com/10150312484370001/videos/1035001743606616

Canando den caya ta un tristesa. E ta practicamente sin bishitante (cliente). Hopi negoshi a cera temporalmente of a cera totalmente. E causa ta e crisis di coronavirus cu a cuminsa na maart y cu te cu awo a laga mas cu 20 morto y mas di 1500 persona cu a test positivo.

Masha poco di esnan positivo ta turistanan cu a yega Aruba pa disfruta di e atraccionnan y e luganan di diverticion manera “Hoya”, situa riba Plaza Daniel Leo y ta propiedad di e empresario hoben Markson Maduro. E empresario aki no ta preocupa solamente cu su negoshi. Den tur e stress cu nan ta bibando aden, un dia el a lanta ya bisa “ban haci algo otro pa nos keda apart”.