Manuel Leyba ta prefecto general, di e polis di investigacion di Chile, entrante diabierna ta asumi e presidencia di Clacip 2018, cual lo tuma luga na Santiago de Chile, otro aña.
Clacip ta un comunidad di inteligencia di Latino America y tambe ta incorpora Caribe den tareanan di siguridad pa proteccion di e paisnan, atrabes di un intercambio y integracion y confiansa entre e propio paisnan ante e amenasa emergente cu ta haya den tur e paisnan di mundo. Unda cu Chile y Aruba, no ta excepcion.
A beneficia
Chile a realisa operacionnan di inteligencia y trabao policial permanentemente cu Clacip, cu nan partnernan den region, entre otro Argentina, Brazil, Colombia y tambe otro paisnan den Centro America.
E fenomenonan delincuental ta den tur pais. Den algun pais tin un enfasis determina. Na Chile, afortunadamente ainda e Crimen organisa no ta instala, pero si ta haci un trabao permamente en contra narcotrafico, labamento di placa, proceso di migratorio iregular y trata di persona.
Mensahe
Segun Leyba, e agenda lo bay desaroya den e proximo dianan, pero ta existi temanan cu ta permanente. E control migratorio, imigracion iregular, recien nombra e temanan medio ambiental tambe ta relevante y tur loke tin di haber cu inteligencia, cu ta e fenomeno fundamentalista cu ta presente den tur luga.
