Despues di a ricibi un yamada, polis a bay na e edificio banda di ex hotel Central, pa nan por papia cu Chico Gang, mirando cu segun informacion ricibi, e lo mester a dal su pareha.
Eynan Chico Gang a splica polis cu e cu su pareha a bay dal un trip di algun dia y a bolbe burachi. Ta net su pareha ta esun cu a agredi’e y despues a cuminsa grita pa auxilio. Al fin y al cabo, no mucho cos a pasa, sino djis un pleitamento di pareha.
