Un caso di hit and run a sosode riba 23 di december 2022 net dilanti di Total Finance na Playa. Aki ta caminda cu un Toyota Hilux color blanco a reverse, dal un auto marca Volkswagen y sigui core.
Polis tin bista caba ken t’e persona cu a ocasiona e accidente aki. Ta urgi e chauffeur, pa e entrega su mes na warda di polis na Balashi, caminda e agentenan di departamento di trafico ta traha.
E Volkswagen no a ricibi mucho daño, pero e echo ta si cu; ta castigabel pa ley pa ocasiona un accidente y bandona sitio. E doño di e Volkswagen kier mira su auto drecha mas pronto posibel, pa cual ta urgi e chauffeur di e Hilux un biaha mas pa; ENTREGA BO MES!
