Diasabra mainta pa mas o menos 9:45am a sosode un accidente serio na altura di Isla di Oro na Savaneta. Un auto marca Chevrolet modelo Trax color cora, cu number A-47790, a alcansa un homber cu tabata “jog” banda di caminda. Na e sitio, chauffeur di e auto a conta Polis cu el a pega soño, dal un peon di trafico y ora el a spierta el a topa e homber coriendo su dilanti y no a logra evita e impacto.https://www.facebook.com/24ora.aruba/videos/10160320836525001/
E chauffeur di e auto a sufri un herida na su man, mientras cu e peaton a haya sla na cabes y tabata sinti dolor rond di su curpa. E sla riba e auto ta prueba di e impacto fuerte y e sla cu e victima a sufri ora e auto a alcanse.
Sinembargo, mirando e orario y teniendo na cuenta e actividad di Jouvert Morning, Polis a opta pa laga e chauffeur supla. Ey e mashin a confirma cu el a consumi alcohol, aunke na e limite di locual ta permiti, pero suficiente pa detene pa haci un investigacion mas profundo riba e accidente y pa e supla na e mashon grandi na Warda di Polis.
Ambulance y Paramedico a presenta na e sitio pa brinda asistencia na e victima. E tabata sangra hopi y keha di bastante dolor.
E accidente a sosode na e caminda paden dilanti Isla di Oro, mientras cu Green Corridor tabata mal pega di autonan bahando for di Jouvert Morning. Locual probablemente a pasa ta, manera custumber, cu autonan ta purba “horta un shot” pa pasa e caminda paden, pero den e proceso a dal un inocente cu tabata “jog”.
