Eric Ras (CURPA): Deroche cu placa di pueblo sin ningun tipo di control a tuma luga cu FASE

Laga nos sigui relata resultado di e rapport di investigacion di Algemene Rekenkamer, ta locual cu Eric ras lider di CURPA a indica. Den e rapport Algemene Rekenkamer ta bisa cu gobierno falta regulacion di mercado laboral. No tabata tin uniformidad pa registracion di datos den gobierno y falta di regulacion riba mercado laboral y cumplimento di leynan existente. Gobierno mester tuma accion concreto awor.

E ministernan no a coordina cu otro y no a bin cu plan coherente pa mehoracion y medidanan necesario cu lo mester a tuma. E ministernan no a reaccion riba e contenido di e rapport di Algemene Rekenkamer. Algemene Rekenkamer ta urgi Parlamento pa ta alerta, pa haya claridad riba e siguientepasonan cu lo tuma y monitor esaki. Si no tuma accion contreto, e cuidadano no tin ningun garantia cu un situacion asina ripiti den un siguiente crisis.

Mirando e situacion financiero precario cu nos pais ta’den, tin necesidad urgente pa e lesnan di crisis aki traduci den un accion concreto di mehoracion. E cuidadano mester di proteccion y siguransa necesario di cu lo trata tur caso igual. Importante ta cu e criterio cu a implementa ta sin kibocacion y mester ta bon prepara y por tuma medidanan preventivo y necesario na tempo pa evita of cubri riesgonan. Cu otro palabra, e consecuencianan financiero negativo y su extension pa e ciudadanonan mester reduci na un minimo.

Algemene Rekenkamer ta relata den nan rapport cu e investigacion ta di e periodo di maart 2020 pa augustus 2020. A gasta mas cu 42.8 miyon florin den 6 luna. Cu na inicio FASE no a cana perfecto, manera e rapport ta indica, ta di compronde, pero ta incomprondibel cu Minister di Asuntonan Social y Labor e tempo ey te cu dia di awe no a percura pa establece un cuadro legal pa FASE. Ta cuestiona cu no tabata tin guia necesario pa un evaluacion y pa duna e ciudadano e siguransa huridico necesario. E pagonan di FASE ta considera ilegitimo door cu no tabata tin un cuadro legal pa esaki. E ley cu ta regla ayudo financiero di emergencia aki, idealmente mester a aproba prome cu a otorga FASE, al menos mas trempan posibel den e periodo di crisis.

Nos di partido Curpa a pasa den e rapport aki y locual cu ta relatata un berguensa nacional con placa di pueblo ta administra. Mas ainda no tabata tin un check & balances  di e manera cu el a tuma lugar. Den 6 luna di tempo 42.8 miyon florin di placa di pueblo tabata mal administra pasobra no tin ningun ley cu ta duna e minister en cuestion e autoridad pa a tuma tal decision. Nos por a compronde cu mas di 130 miyon tabata mal administra.

No por ta asina cu ta haci fout y ta sigui pretende di no ta asina. Awor ta di bay mira e posicion cu Parlamento lo tuma y si Parlamento lo bira complice di un desaster cu a tuma lugar cu placa di pueblo. Nos di partido Curpa no tin duda y ta kere den e capacidad di esunnan di Algemene Rekenkamer cu a traha e rapport. Nos ta kere cu nos por gaña Dios. Tur cos cu e hende sembra, e lo cosecha. No tin scapatorio pa esaki. Dios ta duna un chens pa arepenti, pero si no kier tende, lo no tin mas oportunidad.