Diadomingo marduga, alrededor di 4:25am a raporta un auto cu a cay den rooi na altura di Eagle Beach. Na e sitio, riba e caminda cu ta core paralelo cu e Oceania Condominiums na Eagle, a topa cu un auto marca Toyota modelo Tercel hinca den e rooi. E chauffeur, un dama, a resulta herida.
Ambulance a presenta mesora na e sitio pa brinda asistencia medico na e chauffeur.
Ta sospecha cu e auto lo tabata bin duro, no a tuma nota di e bocht, a perde control, dal y bay bolter den e greppel.
E daño material na e auto ta considerabel. Lo mester uza un takelwagen special pa saca e auto awor for di e rooi.
