Chauffeur a hala pa trafico contrario y a pega riba monton di santo

1381

Diahuebs den careda di 6’or y mey di atardi a drenta un melding cu un auto mester a drenta mondi un tiki pariba di “Hua Feng Carniceria & Foodcenter”. Segun informe e chauffeur mester ta herida tambe. Mesora Polis y Ambulance a dirigi nan mes pa e sitio y enberdad a topa cu un Nissan March pega riba un subida di santo net un tiki pariba di Hua Feng. E chauffeur a wordo trata na e sitio mes door di e paramediconan pero no tabata mester di hibe hospital.

Segun informe no oficial e chauffeur di e Nissan March a hala un banda pasobra el a haya trafico contrario riba su caminda. Sinembargo no ta mucho cla si ta e Nissan March tabata riba e banda robes di caminda of si e auto di trafico contrario tabata riba e otro banda di caminda, debi cu e otro auto no a para y a sigui core. Polis a tuma datos y awo Seguro tin di bay investiga pa wak con esaki precies a tuma luga.