Charles Grill na Jaburibari ta den preparacion pa un evento grandi cu nan tin pa pueblo di Aruba riba diamars, 31 di december.
Aunke cu e evento ta cuminsa pa 10’or di mainta, pa esnan cu yega mas tempran tin posibilidad pa pidi pa desayuno cu e personal atento di Charles Grill lo cla pa yuda cun’e.
Den oranan di merdia Charles tin su famoso BBQ cu ta entre otro galiña, spareribs, carni, etc. Na mesun momento ta bay tin transmision di Power FM cu Garcia lo ta directamente for di Charles Grill cu su top 100.
Pa sigui cu e ambiente di fin di aña tin musica di e muchanan di Gaitas Autentico, Miniteca Cross Fire. Y hopi mas. Ta invita henter pueblo di Aruba pa disfruta di e ultimo dia di aña na Charles Grill na Jaburibari. Pa exactamente 2’or di merdia lo tin como regalo pa su clientenan, e cendemento di pagara. E ta un forma pa bisa 2019 ayo y cu esaki trece cosnan hopi mas miho pa 2020, den forma di famia.
Pa 2020 lo tin un variacion grandi na Charles Grill concentrando riba trece famia hunto.
