Centro di Bario Brazil ta bay luci manera un Ballroom di hotel, cu su tapijt cora y tur presente den un ambiente y anochi único. Aunke cu for di tempran atardi 4or e Bazaar ta habri su portanan cu nos caha di orgel y disco y hopi talento mas.
E tradicional y grandioso actividad dia 17di december ta habri oficialmente cu tur honor 7:00pm cu un marcha di Drumband. E anochi di gala lo duna reconocemento na Baluartenan di bario Brazil, cu a destaca den diferente ramo y pa promer biaha e “Hadrey di Fama” caminda ta bay tin desvelo cu tur honor, di cuadranan di personanan cu den pasado y algún di nan ainda activo, cu a haci masha hopi pa e bario Brazil y Aruba engeneral.
Ta un honor pa Aruba, di tabata tin e personahenan grandi manera: sr. Luciano Chani Wever, sr. Francisco Pancho Wever, nos mama di cultura sra. Bernadina Growell y sr. Wilfred Hosing Loy, tur den nos felis memoria QEPD. Sr. Leon Ras y Vicente Ras ainda ta activo.
Den e respetouso categoría di nos baluartenan di Bario Brazil e biaha aki a toca e honor na nos gran damanan : sra.Betty Bislick , sra.Mena Bislick , sra.Liesje Harms y sra.Ifna Noguera. Centro di Bario Brazil ta duna homenahe na e cuater Dama baluarte di bario Brazil cu ta traha duro pa nan bario.
Yega trempan pa bo segura un bon lugar te dilanti pa asina goza di tur grupo. Un invitacion special ta bay pa e bario di Brazil y pueblo di Aruba pa bin apoya nos baluarte y tende historia y logronan di esnan cu ta drenta nos Hadrey di Fama .
Entrada ta completamente gratis. Show ta den man di nos artistanan chikito, hoben y grandinan.
