Censo a saca basta hende for di su sistema, esey ta mas parti esnan cu tin tanto hende bibando for di Aruba. Segun directora di Censo, Sharin Luydens, den nan proyecto di Opschoning, nan a schrijf uit mas di 8 mil hende.
Den esey tabata tin departamentonan cu a contribui cu nan, entre otro IASA. Esaki pa mantene e sistema limpi. Tanto bal bo no tin un sistema di monitorea pa sigui ten’e limpi.
Censo tin cooperacion cu e departamentonan cu ta gelink automaticamente. Esey ta yuda y ta duna su resultado. Loke si ta ripara ta cu hende no ta compronde, vooral hendenan cu no ta custuma cu e sistema y tambe tin cierto ciudadanonan cu ta kere cu pasobra bo ta un Hulandes naci na Aruba, ta yama nan Arubiano, ta bay biba na Merca, tin cu keda inscribi. Merca no conoce un sistema di inscripcion. Esey ta ocmpletamente fout.
Den Reino henter, no Aruba so, una bes cu un persona bay biba afo, e tin cu schrijf uit. Ora e bin biba bek, e ta schrijf in bek. Nan ta bruha dos cos cu otro tambe. Un persona cu tin permiso liber, firma liber, ta dicidi cu e ta bay biba pa un of otro motibo of e ta bay keda pa mas cu 8 pa 9 luna na Venezuela, pasobra hopi biaha of den 98% di casonan, ta bisa cu nan mama a bira malo. Pero nan no ta bin schrijf uit. Nan ta bay biba bek na Venezuela, of ta bay biba bek na Colombia y nan ta pensa cu nan tin e derecho di keda inscribi.
Esey no ta berdad, segun Luydens. Bo bay biba afo, bo tin cu schrijf uit for di Censo. Esey ta kita cu bo derecho di bin biba bek na Aruba no a wordo kita. Dia bo bin bek Aruba, bo tin cu bay Dimas, busca bo vergunning wak si bo tin derecho ainda, si e tempo cu ley ta duna cu bo por biba afo, si e no a pasa, pa bo bolbe haya bo copia di bo firma liber, pa bo schrijf in bek. Esey ta e ley. No ta Censo a invent’e. Esey ta leynan vigente, no solamente na Aruba, pero den henter reino.
Opschoning
Awor aki tin 114.152 persona registra na Censo. Entre 2016 y 2017, esaki tabata na 109 mil. A schoon op e sistema cu 6 mil, pero awor aki a yega na e cifra di 114.152 un biaha mas.
