Mas cu 800 Venezolano a inscribi na Censo den 2018 y mesora tin derecho riba AZV

Un cantidad di 1170 persona a nace na Aruba den 2018. Esey no ta nifica cu personanan cu nace na Aruba di biaha ta bay den e Registro Civil.

Sa cu hendenan di diferente nacionalidad, mester haya e permiso prome cu inscribi. E nacionalidad cu ta sobresali den e ultimo añanan cu ta mira cu tin mayoria inscripcion, ta e nacionalidad Venezolano. Na 2018 tin e cifra di 814 Venezolano a wordo inscribi y pa esaki nan mester ta legal. 240 nacionalidad Dominicano y Colombiano 494 y ta conta mescos pa nan. Eseynan ta e nacionalidadnan cu ta sobresali den inscripcion.

Censo a schrijf uit mas di 8 mil persona for di nan sistema durante opschoning

Censo a schrijf uit mas di 8 mil persona for di nan sistema durante opschoning

Posted by 24ora on Tuesday, April 30, 2019

Porcentahe

Manera cu inscribi na Registro Civil, tin derecho riba AZV. Esey un personal logicamente ta pone hopi enfasis riba dje pasobra nan ta pura pa inscribi nan. Si tur papel ta na ordo, tin su tempo ta bin cun’e, mas of menos un pa dos siman. Esey hopi hende ta pone enfasis riba dje pa por bay AZV pa nan haya nan seguro medico. Logicamente ora cu ta inscribi, ta bouw op AOV/AWW. Esey ta e derechonan cu primordialmente e hende kier tin.

Permiso di Dimas

Luydens a sigui splica cu Censo no ta inscribi hende si no ta un Hulandes naci na Aruba of un Hulandes, cual su mayornan ta naci na Aruba. Censo no ta inscribi e hendenan aki sin nan no tin un permiso. Nos leynan di landsbesluit Bevolkingsregister, pa por inscribi un persona, e persona mester por tin un permiso pa haci esaki.

Cifra ta halto

Un cantidad di hende cu no ta di Aruba, inscribi asina, ta un cifra halto. Censo no ta esnan cu ta duna permiso. Nan ta djis inscribi nan si nan yega eynan cu nan permiso. Censo no mag di bisa cu nan ta en contra. Mester inscribi e persona manera cu e haya un permiso di Dimas of di e minister di husticia.

Permiso

Hopi tempo pasa a indica cu hendenan ta bin cu uniform di unda cu ta y nan ta bin cu permiso di personal di limpiesa na un otro adres. Si indica esaki, e permiso no ta wordo hala aden. Censo no por haci nada mas cu esey.

Avisa Gobierno

Tur cos Censo ta notifica. Censo ta duna su consehonan tambe. Lo keda duna nan consehonan. Esey ta nan trabao, duna conseho, duna cifra y notifica caminda e cosnan aki ta. Pero Censo ta un organo ehecutivo. Nan ta ehecuta e inscripcion si e persona haya permiso. Censo no ta dicidi esey, segun Luydens.