Diasabra awo lo ta e gran final di Caiso & Soca Monarch Festival 2024, cual lo tuma luga den Aruba Carnival Entertainment Village.
Sigur e expectativanan ta halto, pa loke e cantantenan lo trece e anochi aki. Un di e participantenan di e anochi aki ta Jair Casper Dijkhoff miho conoci como Casper. Aña pasa el a participa pa prome biaha y como Rookie, cu e banda DURO Entertainmente y el a sa di bay cu e premio maximo tambe y su cancion ‘Feeling good, feeling nice’ a zona bon tambe riba caminda.
E aña ki un biaha mas, Casper lo ta riba escenario cu su cancion Freedom y e aña aki tambe e lo ta compaña p’e banda DURO Entertainment.
Diaranson el a tene su ultimo training, pa repasa loke ta bira e warm-up song pa diasabra y tambe caba di pone e ultimo tokenan riba su cancion Freedom, cu cual e lo ta compitiendo p’e titulo maximo di Soca King 2024.
E ta spera tur su fanaticonan bin apoy’e diasabra den Carnival Village den e final di Power Soca di Caiso & Soca Monarch 2024.
