E campana cu Aruba ta hibando ta dunando resultado. E casonan positivo a cuminsa baha for di e siman aki y awe por bisa cu e cantidad di casonan positivo activo a baha bou mil.
DVG den su relato ta bisa cu den e resumen di awe por tuma nota cu 76 persona mas a recupera, tin 33 caso nobo di Covid-19 cu a registra (24% “positive rate”) di cual tur ta residente, total di activonan a baha cu 43 persona y ta na 978 awe.
E total di testnan haci ta 263, testnan haci bou di residentenan na laboratorio di hospital ta 137 y total di caso di fayecimento relata na Covid-19 ta keda mescos, 25. E cifra aki t’asina for di inicio di siman.
Hospital ta informa cu tin un total di 43 persona interna di cual 12 ta den cuido intensivo y 31 ta isola riba piso general.
Por nota tambe den tur e relatonan cu e cantidad di bishitantenan cu test positivo ta minimo.