Casi 400 persona a recupera awe di Covid-19

4642

Departamento di Salud di Aruba y Gobierno a informa riba e cifra relaciona cu Covid-19 pa e dia di awe. Un cifra substancial tabata registra awe di 386 persona cu a recupera di Covid-19 mientras casonan nobo pa dia no a mira reduccion ainda y ta keda stabil.

Mientrastanto ta informa cu tin 78 caso nobo di Covid-19 registra di cual tur ta residente.

Tambe a constata un reduccion riba casonan activo pa e dia di awe, e cifra a baha cu 308 persona y ta pone e total awo na 1309 caso activo. Pa locual ta trata e testnan, a haci ayera un total di 413 test, di cual 303 tabata haci na laboratorio di hospital bou residentenan. Cifra di casonan di fayecimento relaciona cu Covid-19 ta keda mescos na 23 persona cu a perde nan bida.

Hospital ta informa cu tin un total di 45 persona interna di cual 11 ta den cuido intensivo y 34 ta isola riba piso general.