Parlamentario di AVP, ing. Carlos Bermudez, a expresa preocupacion pa e condicionnan laboral den sector hotelero di Aruba, despues di a ricibi varios keho di trahadonan cu ta denuncia maltrato, salario abou y condicionnan di trabou desfaborabel.
Bermudez a cuestiona e posicion di AHATA y a critica cu, mientras cu sector hotelero ta genera ganashi importante, no tur empresa ta duna suficiente atencion na bienestar di nan personal. Segun dje, trahadonan merece un trato digno y un salario husto pa e trabou cu nan ta haci.
E parlamentario a informa tambe cu el a pidi Minister di Trabao, mr. Wendrick Cicilia, pa implementa un plan di inspeccion den hotelnan, cu e meta pa verifica si empresanan ta cumpli cu e leynan laboral. Un di e puntonan cu mester investiga ta e kehonan di trahadonan cu ta indica cu tin empresa cu ta paga menos cu salario minimo, bou di e argumento cu tips ta cubri e diferencia.
Pa mas lesa TREMPAN.
