Siman pasa pa prome biaha den historia, Cuerpo Policial Aruba a participa na e World Police Games, cual a tuma luga e aña aki na Republica Dominicana. World Police Games ta specialmente dirigi na agentenan policial rond mundo cu ta yega hunto pa hunga contra otro den diferente weganan deportivo.
Cuerpo Policial Aruba a wordo representa pa cinco (5) agente policial. Ta trata di M. Martilia, M. Montero, J. Courtar, Y. Ruiz y E. Lampe.
Nan a participa den diferente deporte, entre otro; volleyball, beach volleyball, landamento, basketball y deporte di tiramento (schietsport).
Cuerpo Policial Aruba ta felicita cada un agente policial pa nan participacion y presentacion na e World Police Games 2026. Un orguyo pa mira con chikito Aruba ta pero ta bon representa memey di paisnan grandi.
