Tur hende ta papiando di dje: Ana Gabriel ta bin Aruba! Diasabra dia 11 di Mei, antesala pa Dia di Mama, Ana Gabriel acompaña pa su orkesta lo duna un concierto pa tur e mamanan di Aruba den Aruba Entertainment Center. Lo tin un cantidad limita di carchi obtenibel, na un prijs super cumbiniente, exclusivamente na oficina di Fun Miles for di dianan 8 pa 17 di maart. Tambe, lo por cumpra e carchinan den weekend na e ‘pop-up store’ di Fun Miles na Kooyman. Fanaticonan ta keda invita pa probecha di e carchinan ‘early bird’.
Ana Gabriel: un artista di taya mundial
E artista Mexicano, Ana Gabriel ta riba escenario for di su 6 aña di edad y esey ta haci’e un legendario di berdad. E tin diferente hit na su nomber entre nan ‘Ay Amor’, ‘Simplemente Amigos’, ‘Es Demasiado Tarde’, ‘Quien Como Tu’, ‘Ahora’, ‘Evidencias’ y mas. E tour di Ana Gabriel titula ‘Estamos a Tiempo’ ya ta cosechando hopi exito y na Aruba tin un entusiasmo enorme p’e concierto.
Esun cu ta trempan, ta bebe awa limpi!
Carchinan ‘early bird’ – na un preis super reduci- ta obtenibel exclusivamente na Fun Miles. Normalmente e carchi general lo a costa 150 florin, pero di 8 pa 17 di maart proximo, esaki lo ta unicamente 95 florin, of 4.750 Fun Miles, of un combinacion di 500 Fun Miles y 85 florin. E carchinan special aki ta unicamente obtenibel na oficina di Fun Miles na Sun Plaza Mall (den siman for di 8’or di mainta pa 12’or di merdia y di 1’or di merdia pa 5’or di atardi), y riba diasabra y diadomingo na e ‘pop-up store’ di Fun Miles na Kooyman. Tuma nota: cantidad di carchi ta limita.
Despues di ‘Early Bird’ mesun cumbiniente
Despues di ‘early bird’, Fun Miles lo sigui ofrece carchi na un preis cumbiniente. Carchinan general lo ta 1,250 Fun Miles + f 100 of 6,250 FM, y ‘VIP seating’ lo ta 2,500 Fun Miles + f 150 of 10,000 Fun Miles. Carchinan pa ‘VIP’ y ‘VIP Plus’ lo por wordo cumpra serca e organisacion mes. Pa mas informacion por tuma contacto cu 568 6283 of bishita facebook.com/anagabrielaruba.
Fun Miles ta cla pa celebra su 15 aña
Fun Miles ta e programa di recompensa mas grandi den Caribe, y ta compromete pa haci e aña aki extra fun! 2019 ta e aña den cual Fun Miles ta celebra su 15 aniversario na Aruba. Lo ‘treat’ e isla tur tipo di promocion, evento y campaña- manera e gran concierto di Ana Gabriel. Si bo no kier perde e ‘fun’ sigui nos riba social media, bishita funmiles.net of download e App di Fun Miles gratis.
Mas informacion tocante Fun Miles?
Tuma contacto cu Customer Service na 588 9947 of bishita funmiles.net of facebook.com/funmiles.
