Kidneys 297 a tene tour na varios scol

Kidneys 297 a tene tour na varios scol

Posted by 24ora on Thursday, March 14, 2019

Awe ta dia Internacional di Riñon, y Kidneys297, cu ta un fundacion cu tey pa concientisa riba cuido di riñon, a concientisa hopi riba bebemento di awa. Den cuadro di e dia aki, nan a bishita entre otro Maria School y Filomena College MAVO na San Nicolas, unda cu a duna cada studiante un boter di awa pa concientisa nan riba e cuido di riñon.

Presidente di e fundacion, Miloushka Sneek, a splica cu tin un tendencia cu e malesanan cronico, cual ta presion y sucu, ta bezig ta bira mas y alabes, ora bo tin e malesanan cronico aki, bo ta crea cu bo ta bay haya e malesa di riñon. Pesey bo ta haya cu bo tin cu dialysa. Ta un tratamento cu ta tuma luga ora cu bo riñonnan no ta funciona mas.

Pa duna un ehempel, Sneek a splica cu si tin 10 mashin, tin 20 pashent. Cu 10 mashin por, no ta acapara 20 pashent. Ta dunando si tratamento na tur pashent. Locual cu kier realmente concientisa cu e tendencia ta birando mas. Ta bon pa cuminsa for di e muchanan, pero tambe concientisa adultonan, cu bo salud ta den bo man. Si bo tin sucu of presion, bo mes tin cu cuida pa e no bira mas, pa bo no haya e malesa cronico di riñon.

Sneek a splica cu nan ta hopi contento cu e team di futbol di Dakota, a asisti nan pa parti awa. Tambe ta un di e tipsnan pa por biba miho, pa tin un bida mas saludabel, cual ta pa haci un actividad fisico. Ken mas cu e team campeon di Aruba. WEB a patrocina e fundacion y tambe Manrique Capriles a entrega nan Le Blue, como awa pa duna e studiantenan, Sneek a bisa por ultimo.

Comments

comments