Aruba a pasa otro anochi di Toque de Queda, e di 17 dia, cu a bay cu algun detencion, sigur hopi menos cu e prome dianan.
Segun informe ricibi for di Cuerpo Policial, riba e di 18 dia di Toque de Queda tabatin solamente 8 detencion, cu ta e mesun cantidad di detencion cu tabatin riba 30 y 31 di maart ultimo.
Desde dia 30 di maart e cantidad di detencionnan pa violacion di Toque de Queda a baha bou di 10 y a subi solamente den e fin di siman tras di lomba (diabierna y diasabra) pa despues baha atrobe.
E total di cantidad di detencionnan a yega 379 te cu awe mainta 6’or. Loke por a remarca cu bou di e detenidonan tambe tin personanan ambulante, esta esnan cu ta biba riba caya.
No lubida cu Toque de Queda ta nifica cu despues di 9’or di anochi ningun hende por ta riba caya y e ta finalisa pa 6’or di mainta. Esnan cu ta riba caya den e oranan ey ta haya un boet di 1000 florin. Percura pa yega cas prome cu e ora menciona y evita un gasto extra den e temponan dificil aki.
