E accidente di awe riba brug bieu di Balashi a tuma luga un poco prome cu 3.30, den cual tabatin un truck di carga y un pick-up envolvi.
E hecho a sosode net na inicio di e brug ora cu un pick-up Hilux tabata bahando direccion di Balashi y un truck tabata biniendo di Balashi bayendo direccion di Pos Chiquito. Net den e birada chikito e pick-up a dal den e truck di entrega di TEC. Despues di e impacto e pick-up a pega candela, pero e chauffeur a logra baha rapidamente.
Chauffeur di e truck di entrega si a keda pega. Diferente ciudadano cu a yega na e sitio of a baha for di nan auto, a duna un man pa los e chauffeur for di su posicion incomodo, ya cu e stuur a keda pega riba dje.
Chauffeur di e truck a conta cu e tabatin un proyecto di cinco aña trahando riba e pick-up y awo e tin un aña cu esaki a keda cla y cu e auto ta riba caminda. E no por a disfruta mucho di su vehiculo.
Despues di e impacto e pick-up a pega candela pa cual dos unidad Bomberil a presenta na e sitio, mientras cu Polisnan a cera e caminda na ambos banda. Ambulance a trata e chauffeurnan eybou mes
Expertonan di trafico a tuma investigacion di e caso pa mira kico a bay fout cu a causa e accidente aki.
