Den su propio palabranan Cecelito Lopes ta conta con el a yega na e cancion nobo. Den luna di maart durante Covid 19, mi ruman Richard Lopes a manda mi un cancion masha bunita mes di Ruth Jacott di hopi aña pasa cu ta sumamente conoci. E momento ey mi a scuch’e mi a gust’e masha hopi mes.
Na mi “home internet studio” mi a presente riba un diadomingo mainta tocando musicanan na hulandes.
Mi ruman a bisa mi, con bunita lo ta si bo haya un hende pa cambia e letranan na papiamento y presente den nos idioma. Wel asina mi a keda pensa y porfin mi a bin cu e idea di aserca nada mas y nada menos cu e conocido maestro/cantante Sergio Tjie-a-Loi cu mi conoce pa mas cu 30 aña caba.
Mi a logra aserc’e y lage scuch’e y pa e haci e cambionan di hulandes pa papiamento, mas adapta algun letranan y cambia nan pa asina nos por compronde locual mi ta presente den nos idioma. Na momento cu mi a papia cu Sergio mi a bise cu un hende cu mi kier pa canta coro, pa su voz angelical y bunita pa e cancion aki, pa canta coro hunto cu Sergio ta Antonieta Ras Booi cu nos conoce y canta cu otro pa mas di 25 aña.
Y asina nos a reuni y mi a graba mi partinan na Sergio y djey a graba e coro. A mix e cancion hunto cu Hubert Ras esposo musico di Antonieta y asina awe por presenta na Aruba y mundo completo e tema musical aki. Cu e titulo di cancion: Kere den mi.
Waw ora mi mes a scuch’e y varios famia y amistadnan cantantenan cu mi a laga tende nan a keda bisa waw waw waw. Pesey for di mi curason mi ta gradici Tata todopoderoso pa mi don den canto, na e maestro Sergio Tjie-a-Loi y su studio pa a habri su porta di cas y kere den e produccion aki, specialmente na Antonieta y Hubert danki danki pa e confiansa di semper, na mi ruman Richard Lopes cu ora a mandami e cancion aki di prome bes a toca mi curason masha hopi mes, danki danki na tur mi fansnan mi famianan, musiconan, radio, dj nan, na Aruba y Antillas como tambe Hulanda. Un danki special na prensa skirbi y visualisa, danki pa e confiansa cu e tema nobo cu ta hiba como nomber di KERE DEN MI. Esey kiermen nos tur tin cu kere den e corte supremo cu ta nos Dios cu tey pa nos semper y cu bo Fe pa tur bo logro bo dilanti Amen.
