Un crusada y/of caminda cu un sin fin di accidente semper ta tuma luga. Professor Lorentzstraat y e biaha aki cu Colombiastraat ta e sitio di accidente. Falta di preferencia un biaha mas ta pone cu dos vehiculo ta dal den otro y keda cu poco daño material. Lastimamente dos persona a resulta herida.
E accidente aki a tuma luga dialuna atardi, den careda di 4:30pm, entre un Hyundai Creta shinishi y un Toyota Hilux color di oro. Un pasahero, un señora sinta patras den e Creta, a resulta herida y tabata keha di basta dolor. Den e otro vehiculo tambe tabatin un persona cu e resulta herida, pa e motibo aki a pidi presencia di ambulance pa atende cu e victimanan.
Polis a atende cu e situacion di trafico cu mesora ta stagna riba e caminda aki. Na sitio por a yuma nota cu ambulance a transporta un di e victimanan pa hospital pero segun por a compronde cu e otro victima tambe tabatin mester di asistencia.
Den caso asina, ta laga tur cos den man di polis di trafico y Forensys pa asina saca afo kico a pasa y ken na final ta responsabel di e daño ocasiona na vehiculo di e otro. Ta consehabel pa semper ta atento den trafico pero mas ainda riba caminda cu ta conoci pa tin accidente frecuente.
