College Financieel Tozicht di Aruba (CAft) a manda un relato of nan reaccion riba e di tres raportahe di kwartaal riba ehecucion Presupuesto 2019. Tur cos ta mustra, segun e carta, cu lo logra yega na e norma poni. Sinembargo na mesun momento CAft ta señala cu tin aspectonan den Protocol cu Gobierno no ta cumpliendo cu nan.
Haciendo un analisis di e carta por lesa cu Gobierno tratando pa cumpli cu norma, por ehempel, tin dobbel booking di loke ta haya for di ATA, no a inclui gastonan di personal di Interim Begrotingsfonds Sociaal Crisisplan (iBSCP) den e presupuesto normal manera cu a bisa. Tambe a constata cu tin entradanan cu no a resulta manera debe ser.
E Protocol entre Gobierno y CAft ta encerra 4 punto pa cumpli cun’e: e saldo financiero di 2019 por ta maximalmente -0,5% di e BBP; Gastonan di personal (incluyendo e contribucion como doño di trabou) por ta maximalmente 479 miyon florin (pero cu tur aña mester baha un poco); si tin entradanan cu no tabata conta riba dje, mester uza esaki pa baha e deficit y si tin “tegenvallers’, mester compensa esaki for di e post di gasto; y Aruba mester traha pa haya un declaracion di accountant riba resultado financiero di 2020.
Analisando e rapport CAft ta conclui cu nan ta den e caminda pa realisa e meta poni pa loke ta e presupuesto. A calcula cu e deficit financiero lo ta 0.6%, pues ta mustra cu lo cumpli cu e norma.
E gasto di personal, sin conta esnan di IBSCP cu ta 4.6 miyon florin, ta yega na 478,7 miyon cu ta bou di e blafon di 479 miyon florin. Pero si pone nan tur hunto, manera CAft e ta surpasa e suma di 479 miyon florin. “E ora Aruba no ta cumpli cu e Protocol,” nan ta bisa. E gastonan di personal te cu e di tres kwartaal a yega na 362.4 miyon florin, cu ta 75.7% di e presupuesto di gasto di personal.
Nan ta ripiti e preocupacion pa e gastonan den cuido pa cual a pidi Aruba pa haci un investigacion. Aparentemente, nan ta bisa, a haci esaki pero e rapport ey CAft no a ricibi ainda.
Un punto cu nan a señala ta cu e pago di dividendo di ATA di 2018 ta poni den entradanan cu no ta di belasting pa Gobierno den 2019. Si esaki y e resultado di dividendo di ATA wordo inclui den e calculacion di resulta di sector colectivo, e ora e ta dos biaha geboek. Nan ta conseha pa hacie di otro forma.
Tambe por lesa den e documento cu en comparacion cu e di dos kwartaal, e “schuldstand” a baha cu 67.3 miyon florin.
Pa mas informacion, por klik riba e documento y lesa e contenido.
