Despues di e reunion siman pasa, den cual e Fraccionnan cu ta sostene Gobierno, esta MEP, POR y RED a vota cu un mayoria limita pa un amienda den cual ta adapta e ley di LAft (Landsverorderning Aruba Financieel Toezicht). Manera a spera di e dia ey, Hulanda sin duda lo reacciona awor cu, den cierto forma, a minimalisa nan rol den e trabou di supervision riba finansa publico di nos pais. Awe caba a nota e direccion cu Hulanda ta bayendo cu e asunto aki.
Den un carta manda pa Minister di Finansa, e Presidente di CAFT a inform’e cu nan ta cancela e viahe di trabou cu mester a sosode proximamente pa Aruba. Un ke otro tin di haber cu e ley cu Parlamento a pasa. E ley ta liña recta contra e protocol cu Gobierno di Aruba y Gobierno di Hulanda a firma na november ultimo. E por crea un impresion cu di un banda Gobierno ta acorda cu Hulanda y di otro banda e mesun Prome Minister, den su rol di Lider di MEP, ta permiti pa su mesun Fraccion cambia e decision cu e mes a acorda algun luna prome.
Loading...
Reload document 
Open in new tab Tocante CAft
E trabounan di College Aruba Financieel Toezicht (CAft) a bin despues di un acuerdo cera den e protocol entre Hulanda y Aruba di dia 2 di mei 2015, e asina yama “witte donderdag-akkoord”. E trabou di supervision a haya su poder dor di un ley, yama Landsverordening Aruba tijdelijk financieel toezicht (LAft). E ley aki ta stipula cu un bes na mita di aña, CAft ta traha un rapport riba su trabounan y ta entreg’e na Conseho di Minister di Aruba, Parlamento di Aruba, Gobierno di Reino Hulandes y ta Tweede / Eerste Kamer di Parlamento na Hulanda.
