Tin un cunukero fada y rabia, ta trata aki di Romulo Geerman di Rumbo Ranch na San Nicolas. Ta recien cu cacho a mata como seis di su bestianan, un tin un cu ta den condicion fatal. Romulo tin 90 carne y 137 cabrito den su cunucu. Entre nan, tin 7 lamchi cu recien a nace.
Di esunnan recien naci, t’esunnan cu a bira victima y a fayece. For di e cunucu, Rumbo Ranch, ta habri porta y e bestianan ta bay come parti patras di Aruba, cerca di e ex-cancha di golf y bisendario.
Geerman ta fada di e situacion y casi no tin gana mas pa sigui. E tin un buki cu e ta marca exactamente cuanto bestia e tin, cuanto ta nace, cuanto ta muri y cuanto e ta bende. Problema cu cacho ta keda algo grandi.
Hopi hende ta dump e cachonan y nan ta mata su bestianan. E cunukero ta di opinion cu tin hopi show tocante criamento di bestia, pero e ta algo cu ta costa hopi placa y mester tin tempo p’e. Tin ley pero ningun hende ta actua. A avisa polis di e situacion, e patruya a documenta e situacion y a sigui nan caminda. Romulo a bisa bon cla, e cacho cu e haya den su caminda, e ta pon’e drumi. E no por bira victima di e cachonan y nan ta keda na bida. E ta elimina nan, den su forma. Su bestianan ta inocente y e ta dedica hopi tempo cu nan.
