Tabata den careda di 12or di merdia diasabra cu cacho a ataka un señora ambulante cu tabata na caminda pa haci compras na Feng Da Supermarket den Weststraat. E señora tabata canando riba acera y na dado momento el a haya su mes cu e cacho cu a sali bin riba dje for di un tereno di cas. Un mucha tabata cu e cacho y e cacho tin un cadena.
Asina mes el a logra ranca bin ora e señora ambulante tabata canando. E porta di garage tabata habri. E cacho a logra yega pafo y morde e señora varios caminda. E morde dos biaha na su mas robes y tambe na su pia drechi. Esey ta indica cu e ta un cacho basta brabo cu mester ta bon warda paden. Polisnan a bin y tambe ambulance pa asina nan atende cu e victima.
Polis a bay tambe na e cas unda e cacho ta biba. Eynan a topa cu un adulto cu a papia cu Polis. Probablemente e mester carga e gastonan y den futuro mester wak bon pa e cacho bo bin pafo y haci mescos cu otronan cu ta cana eybanda. Ambulance a bay cu e señora Hospital.
